---
title: "പൊട്ടിയ പൈപ്പ് നന്നാക്കാത്തതിൽ പ്രതിഷേധം നടത്തി "
english_title: "Protested for not repairing the broken pipe"
publisher: "thamarasserynews.in"
canonical_url: "https://thamarassery.truevisionnews.com/news/4579/protested-for-not-repairing-the-broken-pipe"
published_at: "2021-10-11T14:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/616403a1b8552_chunkam.jpg"
keywords: []
---

# പൊട്ടിയ പൈപ്പ് നന്നാക്കാത്തതിൽ പ്രതിഷേധം നടത്തി 

> **Lead Summary:** **താമരശ്ശേരി:** ചുങ്കത്ത് ഹൈവേയിൽ സർവീസ് സ്റ്റേഷനു സമീപം പൈപ്പ്‌ പൊട്ടി കുടിവെള്ളം പാഴാകുന്നത് തടയാൻ അടിയന്തരമായി പെപ്പ് ലൈൻ അറ്റകുറ്റപ്പണി നടത്തണമെന്നാവശ്യപ്പെട്ട് ജനതാദൾ (എസ്) ചുങ്കം ടൗൺ കമ്മിറ്റി മുക്കം റോഡിൽ നിൽപ്പ്‌ സമരം നടത്തി. ചുങ്കം ചുണ്ടക്കുന്ന് ഭാഗത്തേക്കുള്ള വിതരണ പൈപ്പുകളാണ് പൊട്ടിയിരിക്കുന്നത്.

## Article Content

**താമരശ്ശേരി:** ചുങ്കത്ത് ഹൈവേയിൽ സർവീസ് സ്റ്റേഷനു സമീപം പൈപ്പ്‌ പൊട്ടി കുടിവെള്ളം പാഴാകുന്നത് തടയാൻ അടിയന്തരമായി പെപ്പ് ലൈൻ അറ്റകുറ്റപ്പണി നടത്തണമെന്നാവശ്യപ്പെട്ട് ജനതാദൾ (എസ്) ചുങ്കം ടൗൺ കമ്മിറ്റി മുക്കം റോഡിൽ നിൽപ്പ്‌ സമരം നടത്തി. ചുങ്കം ചുണ്ടക്കുന്ന് ഭാഗത്തേക്കുള്ള വിതരണ പൈപ്പുകളാണ് പൊട്ടിയിരിക്കുന്നത്.

കുടിവെള്ളം റോഡിലൂടെ പരന്നൊഴുകുന്നു. ഇതുമൂലം റോഡിൽ വലിയ കുഴികൾ രൂപപ്പെട്ടത് വാഹനങ്ങൾക്കും കാൽനടയാത്രക്കാർക്കും ദുരിതം സൃഷ്ടിക്കുന്നു. ഈ ഭാഗത്ത് വീതി കുറവായതിനാൽ വാഹനം പോകുമ്പോൾ മാറിനിൽക്കാൻ ഇടമില്ലാതെ കാൽനടയാത്രക്കാരും വിഷമിക്കുന്നു.

നിൽപ്പ്‌ സമരത്തിൽ കെ.കെ. സാലി അധ്യക്ഷനായി. പി.സി. മുഈനുദ്ധീൻ, കെ.കെ. ഇബ്രാഹിം, പി.സി. റഹീം, പക്കർകുട്ടി മാസ്റ്റർ, ലിയാഖത്ത് തുടങ്ങിയവർ സംബന്ധിച്ചു.

### Related Links & Sources
- [Original Story Source](https://thamarassery.truevisionnews.com/news/4579/protested-for-not-repairing-the-broken-pipe)