---
title: "റോഡിന്റെ വീതി കുറച്ചുകൊണ്ടുള്ള ഓവുചാൽ നിർമാണം തടഞ്ഞു"
english_title: "The construction of the drainage, which reduced the width of the road, was blocked"
publisher: "thamarasserynews.in"
canonical_url: "https://thamarassery.truevisionnews.com/news/5777/the-construction-of-the-drainage-which-reduced-the-width-of-the-road-was-blocked"
published_at: "2021-10-18T10:51:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/616d04c7105f1_drainage.jpg"
keywords: []
---

# റോഡിന്റെ വീതി കുറച്ചുകൊണ്ടുള്ള ഓവുചാൽ നിർമാണം തടഞ്ഞു

> **Lead Summary:** ഉള്ളിയേരി: താമരശ്ശേരി-കൊയിലാണ്ടി സംസ്ഥാനപാത (എസ്.എച്ച്. 34) നവീകരണത്തിന്റെ ഭാഗമായി ഉള്ളിയേരിയിൽ റോഡിന്റെ വീതി കുറച്ചുകൊണ്ടുള്ള ഓവുചാൽ നിർമാണം കോൺഗ്രസ് നേതാക്കളുടെ ഇടപെടൽ മൂലം ഒഴിവായി. ഉള്ളിയേരി ഈസ്റ്റ് മുക്ക് ഭാഗത്താണ് നിലവിലുള്ള ഓവുചാൽ പൊളിച്ചുമാറ്റാതെ മുഴുവനും നിലനിർത്തിക്കൊണ്ട് പുതിയ ഓവുചാൽ നിർമിക്കാനുള്ള നീക്കം നടന്നത്.

## Article Content

ഉള്ളിയേരി: താമരശ്ശേരി-കൊയിലാണ്ടി സംസ്ഥാനപാത (എസ്.എച്ച്. 34) നവീകരണത്തിന്റെ ഭാഗമായി ഉള്ളിയേരിയിൽ റോഡിന്റെ വീതി കുറച്ചുകൊണ്ടുള്ള ഓവുചാൽ നിർമാണം കോൺഗ്രസ് നേതാക്കളുടെ ഇടപെടൽ മൂലം ഒഴിവായി. ഉള്ളിയേരി ഈസ്റ്റ് മുക്ക് ഭാഗത്താണ് നിലവിലുള്ള ഓവുചാൽ പൊളിച്ചുമാറ്റാതെ മുഴുവനും നിലനിർത്തിക്കൊണ്ട് പുതിയ ഓവുചാൽ നിർമിക്കാനുള്ള നീക്കം നടന്നത്.

വിവരമറിഞ്ഞ് ഉള്ളിയേരി മണ്ഡലം കോണ്ഗ്രസ്‌ പ്രസിഡന്റ് കെ.കെ. സുരേഷും സെക്രട്ടറി എം.സി. അനീഷും സ്ഥലത്തെത്തി. പഴയ ഓവുചാൽ നിലനിർത്തിക്കൊണ്ട് പുതുതായി ഓവുചാൽ നിർമിക്കുമ്പോൾ റോഡിന് വീതികുറയുമെന്നും ഇതേരീതിയിൽ താമരശ്ശേരിവരെ റോഡ് വീതികുറയാനുള്ള സാധ്യതയുണ്ടെന്നും നേതാക്കൾ സൈറ്റ് സൂപ്പർവൈസറുടെ ശ്രദ്ധയിൽപ്പെടുത്തി.

എന്നാൽ പ്രവൃത്തി നിർത്തിവെക്കാതെ മുന്നോട്ടുനീങ്ങി. പ്രതിഷേധത്തെ തുടർന്ന് പ്രോജക്ട് മാനേജർ സ്ഥലത്തെത്തി. വീതികുറയുന്ന സാഹചര്യം ബോധ്യപ്പെട്ടതിനെത്തുടർന്ന് പഴയ ഓവുചാൽ പൊളിച്ചുമാറ്റി അതേ സ്ഥാനത്ത് ഓവുചാൽ പണിയുന്ന പ്രവൃത്തി തുടങ്ങി.

### Related Links & Sources
- [Original Story Source](https://thamarassery.truevisionnews.com/news/5777/the-construction-of-the-drainage-which-reduced-the-width-of-the-road-was-blocked)