റിലയൻസ് ജിയോക്ക് പകരം മൈജി, കൊയപ്പക്ക് പകരം ബ്ലാസ്റ്റേഴ്‌സ്…

കൊടുവള്ളി : കേരളാ ബ്ലാസ്റ്റേഴ്സിന്റെ മെയിൻ സ്‌പോൺസർഷിപ് ജിയോക്ക് പകരം ഏറ്റെടുത്ത് മൈ ജി. ഇതിൽ ഏറെ സന്തോഷിക്കുന്നതാവട്ടെ കൊടുവള്ളി ലൈറ്റിനിങ് മെമ്പർമാറും. സെവെൻസിന്റെ വാശിയേറിയ പോരാട്ടങ്ങൾക്ക് നേതൃത്വം നല്കുന്ന കൊടുവള്ളി ലൈറ്റനിംഗ് ക്ലബ്ബിന്റെ മെമ്പറാണ് മൈ ജി മാനേജിങ് ഡയറക്ടർ എ കെ ഷാജി .

വര്ഷങ്ങളായി നടന്നു വരുന്ന കൊയപ്പ സ്മാരക ഓൾ ഇന്ത്യ സെവൻസ് ഫുട്ബോളിന്റെ കഴിഞ്ഞ തവണത്തെ സ്പോൺസർ കൂടിയാണ് മൈ ജി. റിലയൻസ് ജിയോക്ക് പകരം മൈജി, കൊയപ്പക്ക് പകരം ബ്ലാസ്റ്റേഴ്‌സ് എന്ന പോസ്റ്റോടുകൂടി ഈ സന്തോഷ വാർത്ത ലൈറ്റനിംഗ് അംഗങ്ങൾ ഒഫീഷ്യൽ പേജിലൂടെ നേരത്തെ അറിയിച്ചിരുന്നു. കുറഞ്ഞ കാലം കാലം കൊണ്ട് വിപണി കീഴടക്കി വമ്പൻ മത്സരത്തിൽ ബ്ലാസ്‌റ്റേഴ്‌സിനെ പോലൊരു ടീമിനെ സ്പോൺസർ ചെയ്യാൻ കഴിഞ്ഞുവെന്നത് മൈ ജി യുടെ അഭിമാന നേട്ടമാണ്